Կելիմուտուն(Kelimutu) հայտնի հրաբուխ է ,որը գտնվում է նույնանուն ազգային պարկի կենտրոնում,ինդոնեզական Ֆլորես կղզում:Վերջին անգամ Կելիմուտուն արթնացել է 1968թ-ին:Հրաբուխի գագաթին,որի բարձրությունը 1968մ է,գտնվում է բնական հրաշք՝ երեք խառնարանային լիճ տարբեր գույների:Անսովոր ջրամբարները գտնվում են իրարից ոչ հեռու և ունեն հատկություն ժամանակ առ ժամանակ փոխելու իրենց գույնը երկնագույնից կանաչի,կարմիրի,շագանակագույնի կամ սևի:

Յուրաքանչյուր լիճ ունի իր անվանումը,որը բնութագրում է իր հետ կապված լեգենդը: Լճերից ամենաարևմտյանը,որը մյուս երկուսից 1,5կմ հեռավորության վրա է գտնվում,կոչվում է Տիվու-Ատա-Մբուպու(ծերերի լիճ):Այնտեղ,ըստ լեգենդի,իրենց հանգիստն են գտնում այն մարդկանց հոգիները,ովքեր արժանի ապրել են իրենց կյանքը և մահացել են ծերության մեջ:

Տիվու-Ատա-Մբուպու լիճը

Կենտրոնական լճի անունը Տիվու-Նուա-Մուրի-Կոոխ-Տաի է,որը թարգմանաբար նշանակում է <<պատանիների և աղջիկների լիճ>> :Այնտեղ գնում են այն մարդկանց անմեղ հոգիները,որոնք մահացել են երիտասարդ տարքում:Այս լիճը ամենաշատն է փոխում իր գույնը:

Տիվու-Նուա-Մուրի-Կոոխ-Տաի լիճը

Տիվու-Ատա-Պոլո,ինչը նշանակում է <<կախարդված լիճ>> կամ <<չար հոգիների լիճ>>:Այն չար մարդկանց հոգիների հանգրվանն է:

Տիվու-Ատա-Պոլո լիճը

Վերջին երկու լճերը գտնվում են կողք կողքի,նրանց բաժանում է միայն խառնարանի բարակ պատը,որը, տեղացիների հավատքով,մարմնավորում է բարու և չարի սահմանը: