Սիան քաղաքից ոչ հեռու գտնվել է չին իմպերատոր Ցին Շիհուանդիի դամբարանը: Իսկ նրա մոտակայքում 1974թ-ին հայտնաբերվեց նրա թրծակավ բանակը:Դա 8099 զինվորների և նրանց ձիերի իրական հասակով արձանների մասսայական թաղում է:

 Այդ բանակը թաղվել է Ցին դինաստիայի առաջին իմպերատոր Ցին Շիհուանդիի հետ՝ մ.թ.ա. 210-209թթ.:Նա եղել է հզոր իմպերատոր,որին հաջողվել է միավորել Չինաստանը:Թաղված բանակը հայտնաբերել են հասարակ գյուղացիները, արտեզյան հոր փորելու ժամանակ:

  Ցին Շիհուանդին վստահ էր նրանում,որ իր դինաստիան հավերժ կմնա իշխանության գլուխ:Այդ պատճառով նա փորձում էր պատրաստել հավերժական կառույցներ,այնպիսին, ինչպիսին օրինակ Չինական Մեծ պարիսպն է:

  Իմպերատորը որոշել էր հին չինական ավանդույթի համաձայն իր հետ թաղել 4000 երիտասարդ զինվորների,բայց նրա խորհրդականները համոզեցին նրան,որ դա կարող է խռովություն առաջացնել:Սկսեցին փնտրել  այլընտրանքներ և որոշեցին կենդանի զինվորների փոխարեն թաղել կավե արձաններ:Նաև որոշվեց ավելացնել քանակը մինչև 8000:Բոլոր արձանները կանգնած են դեմքով դեպի արևելք,որտեղ գտնվում են իմպերատորի կողմից ջախջախված թագավորությունները:

 Արվեստագետները գտնում են,որ այսքան արձաններ պատրաստելու համար անհրաժեշտ է եղել 30 տարուց ոչ պակաս ժամանակ և մոտ 700 հազար վարպետների աշխատանք:Հարկ է նշել,որ արձանների մեջ չկան երկու նույն դեմքով զինվորներ: