Հարավային Ամերիկայում՝ Վենեսուելայի,Բրազիլիայի և Գայանայի տարածքում, գտնվում են ապշեցուցիչ սեղանաձև սարեր,որոնք կոչվում են տեպուի:Նրանց աներկրային բնանկարները ավելի շատ նման են ֆանտաստիկ ֆիլմի դեկորացիաների,քան իրականության:Գիտնականները պնդում են,որ այս լեռները ամենահինն են աշխարհում:

Տեպուիները ունեն շատ հետաքրքիր կառուցվածք:Նրանցից շատերի սարահարթերը ունեն կարստային ձագարափոսեր մինչև 300 մետր շառավղով,որոնք առաջացել են ստորջրյա գետերի թունելների փլուզման,ինչպես նաև ջրերի կողմից քարանձավների լվացման հետևանքով:Նրանցից ամենահայտնին Աբիսո Գուի Կոլլետն է (Abismo Guy Collet),որն ունի 672մ խորություն:

Հնդկացիների պեմոն ցեղի լեզվով «տեպուի» նշանակում է «աստվածների տուն»: Տեպուիները,որոնք մեծ մասամբ գտնվում են միմյանցից հեռու,վեր են խոյանում դժվարանցանելի ջունգլիների մեջ,ինչը նրանց դարցնում է հարմար ապաստարան էնդեմիկ բույսերի և կենդանիների համար:

Ամենահայտնի հարավամերիկյան սեղանաձև սարերից են Աույանտեպուին, Աուտանան և Ռորայաման:

Աույանտեպուի

Աուտանա

Ռորայամա

Աույանտեպուին հանդիսանում է ամենամեծ տեպուին:Նրա մակերեսը կազմում է 715կմ² :Բացի այդ, նրա բարձրունքից է սկսում իր անկումը աշխարհի ամենաբարձր ջրվեժը՝ Անխելը:

Անխել ջրվեժը