Տոգբե Նգորիֆիյա Կիֆա Կոսի Բանսան,որը ավելի հայտնի է որպես «Բանսա թագավորը Հոհոից»՝ իրական աֆրիկական թագավոր է,որը չի հավատում ավանդական կառավարման մեթոդներին:Նա գերադասում է ապրել Գերմանիայում և կառավարել իր ենթականերին Skype-ի միջոցով:66-ամյա թագավորը ժամանակին տեղափոխվել է Գերմանիա սովորելու նպատակով:Նա բառացիորեն սիրահարվել է այդ երկրին և որոշել է մնալ այնտեղ:

  Հետաքրքիր է,որ Բանսան անվանվեց գահի ժառանգորդ 1987թ-ին,երբ մահացավ նրա պապը:Բանսան դարձավ թագավոր իր հոր ու մեծ եղբոր փոխարեն,քանի որ և՛ հայրը,և՛ եղբայրը  ձախլիկ էին:Ձախլիկությունը Հոհոյում համարվում է «ոչ մաքուր» և վկայում է մարդու անազնիվության մասին:

 Թագադրումը տեղի է ունեցել 1992թ-ին,բայց Բանսան որոշել է,որ թագավորական պարտականությունները կատարելու համար պարտադիր չէ վերադառնալ Աֆրիկա:Այնպես որ նա առաջվա պես ապրում է Լյուդվիգսխաֆեն քաղաքում,իր գերմանացի կնոջ հետ:Նա ունի մի ավտոտնակ,որտեղ  ավտոմեքենաներ է նորոգում և միաժամանակ կառավարում է իր 200 000 ենթականերին հեռախոսի կամ Skype-ի միջոցով: