Բրիտանական Legatum Institute վերլուծական կենտրոնը կազմել է աշխարհի ամենաբարեկեցիկ երկրների ցանկը:Ցանկի մեջ մտել են 142 պետություն:Հայաստանը զբաղեցրել է 95-րդ տեղը:

 Մասնագետները գնահատել են երկրների էկոնոմիկայի,առողջապահության, անվտանգության վիճակները,արտադրության զարգացումը,անձի ազատության աստիճանը:Ընդհանուր առմամբ՝ ութ չափանիշ:Ինչպես և 2013թ-ին,առաջին տեղում է Նորվեգիան:Նույն կերպ Շվեյցարիան պահպանել է իր երկրորդ տեղը:Ամենաբարեկեցիկ երկրների հնգյակում են նաև Նոր Զելանդիան,Դանիան և Կանադան:Նրանք բոլորը բարելավել են իրենց դիրքը անցած տարվա համեմատ:

  Միացյալ Նահանգներին բաժին է ընկել 10-րդ տեղը:Մեծ Բրիտանիան բարձրացել է 16-րդ տեղից 13-րդ:12-րդ,14-րդ,15-րդ,17-րդ և 18-րդ տեղերը համապատասխանաբար զբաղեցրել են Իռլանդիան,Գերմանիան,Ավստրիան,Բելգիան և Սինգապուրը:

 Մեծ զարգացող երկրներից Բրազիլիան 49-րդն է,Չինաստանը՝ 54-րդը,Մեկսիկան՝ 64-րդը, Ռուսաստանը զբաղեցրել է 68-րդ տեղը,Ինդոնեզիան՝ 71,Թուրքիան՝ 86,Հնդկաստանը՝ 102:

 Վարկանիշային ցուցակի մեջ մտել են 142 պետություն:Դա բնակչության 96%-ից ավելին է: Ցուցակը եզրափակում են Եմենը,Բուրունդին,Կոնգոյի Դեմոկրատական հանրապետությունը,Չադը և Կենտրոնական Աֆրիկայի Հանրապետությունը: